واحد محشش شارك بمن سيربح المليون

واحد محشش شارك بمن سيربح المليون

هذا واحد من ( الجماعة المحششييييين ) راح لبرنامج من سيربح المليون

طبعا تعرفون انه الاسئلة بالبداية كلش سهلة وعيب واحد يعلّس بيها
صاحبنا مشى باول سؤال بس فضحنا بالثاني
تعالو شوفو شسوّه بدنياته :
جورج قرداحي : السؤال التاني بميتين ريال هو :
عصفور باليد ولا عشرة على ................. ؟؟؟؟؟
الشجرة
لبقرة
الصفراء
الحمراء
گله لجورج قرداحي : اهووووو بدينا بالصعبات
زين ناخذ رأي الجمهور
طبعا جورج انصدم المسكين !!!
فكان جواب الجمهمور 100% الجواب الأول ( الشجرة )
اخونا كله لجورج : تره مو على طول يصدك الجمهور ،
فأفضـّل لو نحذف اجابتين اذا متصير زحمة
وتخيلو حالة المكرود جورج !!!!
حذفله إجابتين فبقه الجواب الأول الشجرة والجواب الثاني البقرة.
فكله لجورج : مستفادينا شي لأن بقن الجوابين اللي آني شاكك بيهن
( آني لو من جورج طلقة براسه واخلص البشرية منه )
فكال اخونا : ماكو غير الاتصال بصديق
اتصل بصديقي حمزة الجايجي
مثل متعرفون انه جورج يسأل عن وظيفة الصديق
گله جورج : شو بيشتغل صديئك حمزة الكايكي ؟
جاوبه : يبيع لبن
الحاصل .. خابروله الصديق و طلعله حمزة :
الو .. الو .. لك ليش متجاوبون .. ماعدكم خوات ماعدكم بنات
لا يا متستحون ... والله إلا اشتكي عليكم
جورج : طوّل بالك يزلمة شو بك نحنا من الأم بي سي
برنامج من سيشك هدومه أأأ ئصدي من سيربح المليون
حمزة : هاها العفو .. بالخدمة آني يدلل فاهم ( فاهم اسم صاحبنا .. غير لايكله صلوات )
جورج : معكن تلاتين سانيه لمّا بيبدا الأخ فاهم بالكلام .. تفضل فاهم :
فاهم : ها خويه حمزة شلونك شكو ماكو ؟ كلي خو ماكو تفجيرات هاليوم ؟
سلملي على أمي وكلها مالكيت دشداشة كودري .. ميخالف كشمير ؟؟؟
طوط طوط .. خلصت التلاثين ثانية و مثل مشفتو ... كلشي مفتهم فاهم سوده عليّه
فسأله جورج قرداحي : وهلأ شو بدك تعمل ؟
فجاوب : والله يا استاذ جورج ما اكدر اجازف بصراحة
انسحب احسنلي وآخذ الـ 100 ريال مال سؤال الأول
خاف اجاوب ويطلع غلط وهالنوبة تروح الـ 100 همّات
وعلى كولت أبو المثل : عصفور في اليد ولا عشرة على الشجرة

واحد محشش شارك بمن سيربح المليون Icon_biggrin

[/size]