[size=16]الك ياصاح ماظل مني خاطر
احسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه
===============
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه
===============
ألك ارفع علم حبي ورايه
وحذرك لا تحب أحد ورايه
وحك من أنزل القرآن آيه وره آيه
أضل أهواك لآخر نفس بيه
===============
جميل انت والاجمل بيك خطك
ويهنياله الصورك بيده وخطك
اريد اسأل يغالي شنهو خطك
اذا زين العراق اتصل بيه
===============
ياظالم لاتهيج الروح ..خلها
عساها تموت من بعد فركاك ..خلها
لزم ايدي الطبيب وصحت ..خلها
المرض بالكلب جا شلك بدية
===============
قلم كلبي تداين ورقة منك
لان ماكو بجمالك ورارقى منك
انا بيدي اسجلك ورقمنك
و اكتب لافتة محجوز الية
===============
الك نجمة وسط كلبي علم دار
تضل انت دومك علم علدار
غلاتك تسوة ميماتي وعلم دار
والسكندر يقدملك تحية
===============
سكر عسل كل من ضاك نفسك
أكوغيرك حلو بس ماكو نفسك
تمنيت ياحبيبي تبوس نفسك
بس بداخلك تنويهه أليه
===============
اريد امشي لحبيبي بليل عناي
واسالة بياسبب زعلان عناي
اريد اشرح غرامي بحزن عالناي
بلكت ينكسر كلبة علية
===============
بفراكك جمر ابجي ونيران
يهل وجهك يشع رحمة ونيران
تمنيت العراق انت وانيران
وحدودك دوم فتحهن عليه
===============
وحق من وصه يونس بالرساله
حرت شكتب شكولن بالرساله
لو اني الكب يوصل بالرساله
ادز اليوم لل يسئل عليه
===============
اسمك شعر وبكلبي ارد بي
وخدك مشتل وخضر ورد بي
طريق المدرسة رايح وارد بي
حتى بس اشوفك هاي هية
===============
عليك العين مو دمع تكت الك
وجروح البيه متحلفه تكت الك
احجزت من كلبي تكت الك
دسافر وروح ولا ترجع اليه
===============
ملاك من السما نازل شهد بيك
مو دم يجري بعروكك شهد بيك
تكلي شبيك بس هدني شهد بيك
اذا انته عسل لازك بديه
===============
هوى المحبوب ماينكشف بسحار
وكلبي مابرد وياك بس حار
الك مديت واير عشك بس حار
ينتلك لو كطعت الوصل بيه
===============
وحق الناي من يعزف وخنته
ابد ما عاشرت صاحب وخنته
حبيبي وصاحبي وروحي واخي انته
وانتة الرمز للخوة القوية
===============
يادنيا على هموم البية ..حسي
وعن هامتي طبع الغدر ..حسي
ومن همي راح اصيح بعالي ..حسي
مضلوم وحبيبي الغدر بية
===============
يا صاح طال هجرك مــر علينا
مو حتى الزاد بعدك مـر علينا
اذا بعدك تحبنا مــــــــر علينا
تعال وكروة التكسي عليه
===============
وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه
[/size]عُشر حزن الحزنته ترى فاتاك
يمن سهر الفتتني كون فتاك
إذا تدري بعيونك سهم فتاك
ليش اتفوت وتعاين عليه
أخي الزائر أُختي الزائرة
الرئيسية
